18 От ыйа 18.07
  • 17°
  • $ 88,09
  • 96,3

Саха сирин улуустарыгар волонтердар хамсааһыннарын өйүөхтэрэ

12:54, 28 марта 2016
Текст:
Читайте нас на
Яндекс Новости
ЯДВ

Муниципалитеттарга бэйэ баҕатынан тэриллибит уопсастыбаннай хамсааһыннары өрөспүүбүлүкэ уонна улуус былааһын уорганнара өйүөхтэрэ. Туох-ханнык иннинэ ити ыччат волонтерскай хамсааһыныгар сыһыаннаах.


«Өрөспүүбүлүкэҕэ волонтердар үлэлэрин тэрийии уопута (ол иһигэр үөрэх тэрилтэлэригэр) мунньулунна. 2016 сылга маны өйүүргэ Саха сирин бюджетыгар 1,7 мөл. солк. көрүлүннэ. Ону таһынан сыл саҕаланыыта «Сахам Сирэ» («Родная Якутия») уопсастыбаннай түмсүү 830 тыһ.солк. суумалаах Россия президенин граныгар тигистэ», — диэн ыччат уонна дьиэ кэргэн политикаларын миниистирэ Афанасий Владимиров Егор Борисов салалтатынан үлэлиир олохтоох бэйэни салайыныы сэбиэтин мунньаҕар эттэ.

Министиэристибэ салайыытынан патриоттуу иитиигэ, олох ыарахаттарыгар түбэспит дьиэ кэргэҥҥэ, кырдьаҕастарга, бэтэрээннэргэ көмөлөһөр соруктаах кииннэр тэриллибиттэр. Саха сирин 17 оройуонугар маннык кииннэр баар буолбуттар. Ол гынан баран, итилэртэн 11 эрэ үбүнэн-харчынан өйөммүттэр. Волонтердар Дьокуускайга, Лиэнискэйгэ, Мииринэйгэ, Нерюнгрига, Намҥа уонна Мэҥэ-Хаҥаласка көхтөөхтүк үлэлииллэр.

Сотору кэминэн буолаары турар “Азия оҕолоро” VI-с норуоттар икки ардыларынааҕы спортивнай оонньууга волонтердары бэлэмнээһиҥҥэ ураты улахан болҕомто ууруллар. Оонньуу ыытыллар күннэригэр от ыйын 5-17-гэр диэри 2 тыһ. киһини бэлэмниэхпит, бүгүҥҥү туругунан өрөспүүбүлүкэ 23 оройуоннарыттан сайаапкалар киирдилэр», — диэтэ Владимиров.

Бэйэ баҕатынан тэриллибит хамсаһыннары өйөөһүнү муниципалитеттары сайыннарыы тус сыаллаах бырагырааматыгар киллэрэрн биэрэр, онуоха үбү-харчыны көрөр туһунан этии киирдэ. Ону таһынан олохтоох былаас үлэ хайысхатын чопчулуохтаах, көҕүлээһин, социальнай суолталаах үлэнэн дьарыктанар волонтердары өйүүр систиэмэни олохтуохтаах. Ыччат министиэристибэтэ муниципалитеттарга методическай уонна тэрийэр үлэҕэ көмөлөһүөҕэ.

Следите за самым важным и интересным в Telegram-канале и WhatsApp-группе ЯСИА