Саха сирин саахыматчыттара Иркутскай уобалас, Красноярскай кыраай, Бурятия бэрэстэбиитэллэрин кытта II-с регионнар ардыларынааҕы турнирга кытталлар.
Күрэхтэһии Иркутскайга буола турар. Саахымат турнира «Территория будущего» Иркутскайдааҕы ньиэп хампаанньатын бирииһигэр ыытыллар.
Бастакы күн түөрт регион сүүмэрдэммит хамаандатын ардыгар матч-турнир ыытылынна. Кыһыл көмүһү Красноярскай кыраай спортсменнара ыллылар, хаһаайыттар иккистээтилэр, боруонсаны Саха сирин бэрэстэбиитэллэрэ иилиннилэр.
