«2025 сылга «Зарница 2.0» оонньуу Аҕа дойду улуу сэриитигэр Кыайыы 80 сылыгар уонна Россияҕа Аҕа дойдуну көмүскээччи сылыгар ананар. Оонньуу хас биирдии эдэр киһиэхэ улуу Дойдубут биир сомоҕо буоларын уонна кыайтарбат модун күүстээҕин бэлиэтинэн буолуоҕа», – диэтэ бырабыыталыстыба бэрэссэдээтэлин солбуйааччы Ольга Балабкина.
Хас да түһүмэҕинэн ыытыллыаҕа, 7 — 21 саастаахтарга. Күрэхтэһиилэргэ саастарынан арахсыахтара: кыра (7-10 саас), орто (11-13 саас), улахан (14-17 саас) уонна анал (18-21 саас).
«Движения Первых» хамсааһын Саха сиринээҕи салаатыгар эппиттэринэн, олунньу 3 күнүгэр оскуолатааҕы талыы түһүмэх ааспыта. Кулун тутар 1 — муус устар 1 күннэригэр муниципальнай түһүмэх, муус устар 1 күнүттэн бэс ыйыгар — өрөспүүбүлүкэтээҕи.
Регионнааҕы куонкуруска кыайбыттар федеральнай уокурукка кытталлар, бэс ыйа — от ыйа, онтон Россия таһымыгар «Зарница 2.0» финала балаҕан ыйыгар ыытыллыаҕа.
Сезон уратытынан этэрээттэринэн саҥа күрэхтэһиилэр, усулуобунай-байыаннай идэлэргэ, тактической оонньууларга уларытыылар уонна колледж, училище устудьуоннарыгар (18 — 21 саас) туспа зачёт туттарыыта киирэллэр.
