Дьүүллүр сүбэҕэ итии уонна тымныы бүлүүдэни көрдөрдүлэр, маны сэргэ бурдук аһын. Дьокуускай №39 оскуолатын остолобуойа моркуоптан пюрелаах кыһыл уонна маҥан балыктан фишбол көрдөрдө, өҥнөөх хаппыыстаттан пюре-миин, кыһыл отонтон соустаах буһараллыбыт дьаабылыка, брокколилаах помидордаах фриттату, араас суортан лэппиэскэ, фруктаттан салаат, оҕуруот аһыттан сокууска.
«Биһиги оскуола остолобуойга менюну куруук саҥардабыт, оҕолор баҕаларын учуоттаан, кулинарнай тренд киллэрэн. Төрөппүттэр дегустациялыыллар, саҥаны билиһиннэрэбит. Куонкуруска менюга баар бүлүүдэлэр киирдилэр. Холобур, балыгы сөбүлээбэт оҕолор фишболу үөрүүнү кытта сииллэр. Уочараттаах кыайыыттан үөрэбит. Ааспыт сылга биһиги поварбыт Алексей Лаврентьев, региоҥҥа бастаан, Саха сирин Россияҕа көрдөрбүтэ», — диэтэ тэрилтэ салайааччыта Варвара Кычкина.
Тыа сирин оскуолаларыгар бастыҥ остолобуойунан Таатта лицейын ааттаатылар. Бастыҥ поварынан Дьокуускай куорат национальнай гимназиятын үлэһитэ Аина Лугинова буолла.
