Дойду спортка миниистирэ Олег Матыцин Саха сирин олохтоохторугар самбоҕа уонна оҕунан ытыыга Россия спордун маастара уонна дуобакка РФ гроссмейстера ааттары туттарда, ол туһунан суруйда ЯСИА.
Иван Поляхов самбоҕа Россия спордун маастара ааты ылла. Алдан спортсмена Петропавловскайга буолбут норуоттар ардыларынааҕы кылаастаах спорт маастара Владимир Пушница аатыгар буолбут эр дьоҥҥо самбоҕа Россия турнирын кыайыылааҕа.
Оҕунан ытыыга РФ спордун маастара ааты Александр Тукан Мииринэйтэн ылла. Кини ааспыт сыл тохсунньутугар нормативы дойду чемпионатыгар толорбута.
Истибэттэр спортарыгар Россия гроссмейстерын аатын Ньурбаттан Александр Ефимовка туттардылар. Кини ICDC сүүс харахтаах дуобатыгар аан дойду чемпионатыгар кыайбыта, маны сэргэ Европа чемпиона.
