Муус устар 20 күнүгэр Санкт-Петербурга Чесменскай байыаннай кылабыыһаҕа Аҕа дойду Улуу сэриитигэр өлбүт кыһыл армеецтар уҥуохтарын кистээтилэр. Ону тэҥэ “Вахта памяти -2018” Бүтүн Россиятааҕы аахсыйа Санкт-Петербурдааҕы түһүмэҕин арыйыы буолла. Тэрээһиҥҥэ көрдөөччүлэр, баҕа өттүнэн үлэлээбиттэр, ыччаттар, бэтэрээннэр түмсүүлэрэ, былаас уорганнара уонна дьокутааттар, Саха сирин бэтэрээннэрэ, устудьуоннра, Саха сирин Бастайааннай бэрэстэбиитэлистибэтин үлэһиттэрэ кытыннылар.
Сиэри-туому Санкт-Петербург Москватааҕы оройуонун дьаһалтатын баһылыгын бастакы солбуйааччы Борис Эпельман, дьокутаат Павел Зеленков уонна Россия Бэрэсидьиэнин иһинэн Саха сирин Бастайааннай бэрэстэбиитэлин солбуйааччы Юрий Кравцов кытыннылар.
“Ленинграды көмүскээн, икки аҥар тыһыынчаттан тахса Саха сириттэн сылдьар саллаат олоҕун толук уурбута. Хас сыл ахсын сураҕа суох сүппүттэр көстүөхтэрэ, кинилэр көмүс уҥуохтарын тутуохпут диэн эрэнэбит”, — диэтэ Юрий Кравцов.
СИА.
