Казань куоракка «Мы-Россия: эпос и ритм Якутии в Поволжье» диэн Кыыл Уолун аатынан национальнай үҥкүү тыйаатырын гастрола түмүктэннэ. «Арктика өрө көтөҕүллүүтэ: ирбэт тоҥ ритмэ» диэн ааттаах бүтэһик кэнсиэр көрөөччүлэргэ чаҕылхай көстүүнү бэлэхтээтэ, диэн ЯСИА иһитиннэрэр.
«Өрөспүүбүлүкэ үс бастыҥ кэлэктиибэ — Саха академическай тыйаатыра, Кыыл Уола аатынан национальнай үҥкүү тыйаатыра уонна Олоҥхо тыйаатыра — Олоҥхо саха эпоһыгар аналлаах театрализованнай бырайыагы көрдөрөн, Татарстан олохтоохторугар Саха сирин ураты культурнай нэһилиэстибэтин билиһиннэрдилэр. Тыйаатырдар Татарстан киин куоратыгар Россия Федерациятын култуура министиэристибэтин өйөбүлүнэн “”Росконцерт федеральнай бырагыраамаларын чэрчитинэн кытыннылар», — диэн кэпсээтэ Национальнай үҥкүү тыйаатырын дириэктэрэ Саргылана Борисова.
Кини эппитинэн, аатырбыт Сергей Зверев — Кыыл Уола төрөөбүтэ 125 сылын көрсө кэлэктиип «Кыыс бухатыыр Кыыдаан» диэн саҥа пластическай испэктээги билиһиннэрдэ. Туруоруу «Балтийский Дом» норуоттар икки ардыларынааҕы театральнай бэстибээлгэ көрөөччүлэр сэҥээриилэрин бирииһин ылла.
