«Ил Дархан Айсен Николаев сыллааҕы туһаайыытыгар 2025 сыллааҕы үлэҕэ сүрүн соругун туруорбута — үгэскэ кубулуйбут духуобунай — өй-санаа сыаннастарын, култуураны уонна история өйдөбүлүн харыстааһын, дойду көмүскэлигэр туруммут геройдарынан киэн туттуу, кинилэр дьиэ кэргэттэригэр көмө», — диэтэ миниистир.
Ноев эппитинэн, История өйдөбүнньүгүн сылын концепцията ССРС геройдарын, Россия геройдарын, үлэ геройдарын, наука уонна искусство биллиилээх деятеллэрин ааттарын үйэтитии буолар. Оһуобай болҕомто анал байыаннай дьайыы кыттыылаахтарыгар ууруллуоҕа.
