Чуолаан, доруобуйа харыстабылын эбийиэктэрин үлэҕэ киллэрии туһунан кэпсэттилэр. «Здравоохранение» нацбырайыагынан өрөспүүбүлүкэҕэ 2025 сылга аҕыс эбийиэги олоххо киллэрэр былаан турар: Аммаҕа поликлиника, Бүлүүгэ уонна Ньурбаҕа, Намҥа уонна Андреевскайга эмтиир куорпустар, Майаҕа балыыһа комплекса, Сангаарга поликлиникалаах комплекс, Аллараа Бэстээххэ учаастактааҕы балыыһа.
Салгыы саҥа үлэтэ саҕаламмыт «Продолжительная и активная жизнь», «Новые технологии сбережения здоровья» уонна «Семья» национальнай бырайыактарга инникилээн тутуллар боппуруоустары дьүүллэстилэр. Айсен Николаев уонна Федот Тумусов Саха Өрөспүүбүлүкэтин бырабыыталыстыбатын уонна Российскай Федерация Судаарыстыбаннай дууматын бииргэ үлэлээһиннэригэр көрүүлэри быһаарыстылар.
