Саха сирин сүүмэрдэммит хамаандатын лидерэ Айаал Сивцев чэпчэки атлетикаҕа (ПОДА) аан дойду чемпионатыгар кыттарга бэлэмнэнэр. Быйылгы сүрүн күрэхтэһиини балаҕан ыйын 26 күнүттэн алтынньы 5 күнүгэр диэри Нью-Дели ылыныаҕа. Бу туһунан өрөспүүбүлүкэтээҕи сүүмэрдэммит хамаандалар спортивнай бэлэмнэниилэрин киинигэр иһитиннэрдилэр, диэн ЯСИА суруйар.
Россия уон үс төгүллээх чемпиона, дойду сүүмэрдэммит хамаандатын лидера бу стартка кыттар кыахтанна. Индияҕа балаҕан ыйын 30 күнүгэр ядро анньыытыгар кыттыаҕа, алтынньы 5 күнүгэр копья быраҕыыга мэтээл иһин охсуһуоҕа.
Айаал Сивцев спортка көрдөрбүт түмүгүнэн аан дойду саамай күүстээх чэпчэки атлеттарын топтарыгар киирэр. Быйыл кулун тутарга Индияҕа Гран-прига кыттыыны ылбыта, онно ядро анньыытыгар үрүҥ көмүс мэтээл ылбыта.
