Саха сириттэн бастакы идэтийбит боксер Петр Васильев менеджера Семен Лукин «Спорт Якутии» иһитиннэрбитинэн, спортсмен 2021 сыл олунньутугар профессиональнай рингэҕэ үһүс киирсиитигэр кыттарыгар барыллаан дуогабар түһэрсилиннэ.
«Киирсии Албанияҕа буолар. Билигин раунд ахсааныгар уонна да атын деталларга кэпсэтиилэр ыытыллаллар. Петр Васильев кимниин киирсэрин кэлин иһитиннэриэм», — диэтэ Семен Лукин.
Санаттахха, 25 саастаах Петр Васильев алтынньыга уонна сэтинньигэ Стамбул рингатыгар профессиональнай боксаҕа дебюттаабыта. Кини икки кыайыылаах. Спортсмен билигин Сочига, эрчиллиини ааһар.
