Дьокуускайтан 28 саастаах асчыт Петр Аммосов “Пятница!” телеханаалга «Молодые ножи» кулинарнай реалити-шоу бэһис сезонугар кыттар. Бу бырайыакка аатырбыт шеф-повар Константин Ивлев Бүтүн Арассыыйаттан талааннаах эдэр кулинардары көрдүүр, кинилэр аан дойдуга ас сулустара буолалларыгар көмөлөһөр. Бу туһунан телеханаал пресс-сулууспатыгар иһитиннэрдилэр.
Аммосов, ресторан индустриятыгар алта сыл үлэлиир, европейскай уонна нуучча куухуналарыгар идэтийэр. Кини дойду араас муннуктарыттан атын биэс асчыты кытта кыайыы иһин охсуһуоҕа. Кылаабынай бириис — Константин Ивлевтан кыһыл көмүс шеф-быһах — кулинарнай талаанынан, бастыҥ амтаннаах аһынан утарсааччыларын куоһарбыт поварга тиксиэҕэ.
Аһы сыаналааһыҥҥа куонкурустаһааччыларга Арассыыйа биллиилээх сулустара көмөлөһүөхтэрэ. Петр оҥорбут бүлүүдэтин Арассыыйа баскетболга федерациятын президенэ Андрей Кириленко сыаналыаҕа.
Шоу таһаарыыта “Бээтинсэ!” телеханаалга, бүгүн, сэтинньи 19 күнүгэр 19:00 чааска буолуоҕа.
