Саха Сирин Сунтаар оройуонугар Улахан-Харыйа үрэҕи туоруур муостаны реконструкциялааһын сүрүн үлэтэ түмүктэннэ. Эбийиэк «Устье — Кэмпэндээйи» айан суолун 31-с км баар. Регион транспорын уонна суол хаһаайыстыбатын миниистирин бастакы солбуйааччы Анатолий Потапов үлэ хаамыытын бэрэбиэркэлээтэ, диэн иһитиннэрэр биэдэмистибэ пресс-сулууспата.
Муостаны өрөмүөннээһин РФ президенэ Владимир Путин көҕүлээбит «Инфраструктура для жизни» национальнай бырайыагын олоххо киллэрии чэрчитинэн ыытыллар.
Тутууга «Улан-Удэстальмост» тэрилтэ үрдүк хаачыстыбалаах тимир конструкциялара туһанылыннылар. Бырайыак харыстыыр күрүөнү туруорар, суол бэлиэлэрин оҥорор, элбэх сыллаах от ыһыылаах эниэни бөҕөргөтүүнү киллэрэр.
“Тутуу экологическай өрүттэригэр ураты болҕомто уурулунна – рекультивация зоналарыгар үүнээйилэри олордуу ыытыллар», — диэн Саха Сирин тырааныспар министиэристибэтигэр бэлиэтээтилэр.
Миниистири бастакы солбуйааччы Анатолий Потапов «СтройМост» бэдэрээччит үрдүк профессионализмын тоһоҕолоон бэлиэтээтэ. Кини этэринэн, үлэ сүрүн кээмэйэ хаачыстыбалаахтык уонна кыраапыгы урутаан толоруллубут. Билигин эбийиэги үлэҕэ киллэриигэ докумуоннары бэлэмнээһин ыытыллар.
Санатан эттэххэ, 2025 сыл устата Сунтаар, Өлүөхүмэ уонна Мииринэй оройуоннарыгар Улахан-Харыйалах, Кыра Черепаниха, Улахан Черепаниха, Дьорооху уонна Бүлүү уулары туоруур биэс улахан муостаны саҥардыыны түмүктүүр былааннаахтар.
