РФ бырабыыталыстыбатын дьаһалынан Саха сирэ от ыйыттан саҕалаан 31 суһал көмө массыынатын тутта. «УАЗ» уонна «Соболь» мааркалар. 11 техника «С» кылаастаах (реанимация) уонна 20 массыына «Б» кылаастаах. Бу регионнары наадалаах техниканан хааччыйыы саамай маассабай дьаһала, сүрүн суһал штаб иһитиннэрэр.
Массыыналар үксүлэрэ оройуоттарга ананнылар, киин куоракка 14 хаалла. «С» кылаастаах массыыналары Алдан, Мииринэй, Ньурба оройуоттара уонна Бүлүү бөһүөлэгэ ылаллар.
Бастакы 11 массыына бэс ыйыгар кэлбитэ, 14 — балаҕан ыйыгар, 6 — алтынньыга. Үгүс улуустар анаммыт техникаларын ыллылар. Бу күннэргэ Өлөөн уонна Алдан киин балыыһалара тутуохтара.
