24 Олунньу 24.02
  • -38°
  • $ 92,75
  • 100,44

Тааттатааҕы поликлиника арыллыытыгар Ил Дархан Айсен Николаев эҕэрдэлээтэ

Читайте нас на
Яндекс Новости
ЯДВ

Бүгүн Таатта улууһугар аныгы ирдэбиллэргэ эппиэттиир поликлиника аһыллыыта буолла, диэн Ытык Күөл олохтоохторо үөрүүлэрин социальнай ситимнэргэ кэпсииллэр.

Тааттаҕа бүгүн арыллыбыт саҥа поликлиникаҕа аныгы ирдэбиллэргэ толору эппиэттиир диагностическай оборудование барыта баар. Компьютернай томографияттан саҕалаан, тиис рентгеныгар тиийэ. Дьиэ иһэ олус табыгастаах, тупсаҕай оҥоһуулаах, үһүс этээскэ дылы лифтаах.

«Саҥа көрдөрөр балыыһабыт сарсыҥҥыттан үлэтин саҕалыаҕа. Бар дьоммут чэгиэн- чэбдик туруктаах буолалларыгар анаан улахан үлэ ыытылынна», — диэн суруйда Петр Егорович Захаров.

Поликлиника аһыллыытын үөрүүлээх күнүнэн Ил Дархаммыт Айсен Николаев кэллэ диэн салгыы суруйаллар.

Регион баһылыга: «Улуус бэрт уһуннук күүппүт үөрүүлээх күнүнэн — Таатта улууһугар поликлиника дьиэтэ тутуллан, үлэҕэ киирбитинэн итиитик-истиҥник эҕэрдэлиибин. Эргэ балыыһа, үлэһиттэр дьон доруобуйатын туһугар төһө да көрө-истэ сатаабыттарын иһин, саҥа ирдэбиллэргэ эппиэттэспэт этэ. Онно биһиги президиэммит Владимир Владимирович Путин дойду үрдүнэн ыытар «Доруобуйа харыстабыла» национальнай бырайыага үлэлээн, улахан куораттарга эрэ буолбакка, тыа сирдэригэр эмиэ балыыһа комплекстара тутуллаллар. Биһиги өрөспүүбүлүкэбитигэр 14 балыыһа тутуллар, ол иһигэр Таатта улууһугар бу поликлиниканы арыйдыбыт. Онон президиэммитигэр махтанабыт», — диэбитин, олохтоохтор ытыс дохсун тыаһынан доҕуһуоллаатылар.

Следите за самым важным и интересным в Telegram-канале и WhatsApp-группе ЯСИА