Социальнай төлөбүрдэр сыл аайы тохсунньу 1 күнүттэн үрдүөхтэрэ. Индексация табаар уонна өҥө сыанатын учуоттаан оҥоһуллуоҕа. Бу туһунан өрөспүүбүлүкэ үлэ уонна социальнай сайдыы миниистирэ Елена Волкова кэпсээтэ.
Сыл аайы үрдүүр социальнай төлөбүрдэр испииһэктэрэ:
Харахтарынан инбэлииттэргэ (олох көрбөт дьон) биэнсийэлэригэр эбии ый аайы көрүллэр харчы;
Социальнай босуобуйа, эбии социальнай төлөбүрдэр;
Тыыл бэтэрээннэригэр, үлэ бэтэрээннэригэр, реабилитацияламмыт дьоҥҥо, аҕа дойду улуу сэриитин оҕолоругар, аҕа дойду сэриитин кыттыылаахтарыгар ый аайы көрүллэр төлөбүрдэр;
Быраас рецебынан бэриллэр босхо эминэн хааччыйарга төлөбүрдэр;
Биир социальнай айан билиэтин сыаната;
Элбэх оҕолоох ыалга, орто дохуоттара тиийинэн олорууттан намыһах буоллаҕына бэриллэр төлөбүр, бу харчынан оҕо спортивнай уонна да атын таҥаһы ылыныан сөп;
Эдэр ыалга бастакы оҕо төрөөтөҕүнэ (үс ыйыгар диэри саастаах оҕону иитэ ыллахтарына;
Элбэх оҕолоох уонна 10- тан тахса оҕолоох уонна сокуоннай саастарын ситэ илик оҕолоох ыалга биир кэмнээх харчы төлөбүрэ социальнай контракка олоҕуран;
Тулаайах уонна көрүүтэ- истиитэ суох хаалбыт оҕолорго биир кэмнээх босуобуйа;
Тулаайах уонна көрүүтэ- истиитэ суох хаалбыт оҕолору иитиигэ, эппиэкэҕэ (попечитель), приемнай дьиэ кэргэҥҥэ быһаччы сыһыаннаах ороскуоту толуйар төлөбүрдэр;
Тустаах быһаарыыны муус устар 20 күнүгэр региональнай кабминыгар ылыннылар.
