Дойду технологическай суверенитетын бөҕөргөтүүгэ уонна сүрүн хайысхаларга бастыҥ научнай уонна инженернай быһаарыылары сайыннарыыга саҥа бырайыак туһуланар. Техническай наука кандидата, Саха сирин эдэр учуонайдарын сэбиэтин бэрэссэдээтэлэ Иван Христофоров саҥа көҕүлээһин оруолун кэпсээтэ.
Аныгы матырыйааллар промышленноска эрэ буолбакка, электроникаҕа, медицинаҕа, энергетикаҕа уонна авиацияҕа инновационнай быһаарыы ыларга туттуллаллар.
«Бырайыак биир сүрүн аспега – эдэр чинчийээччилэри уонна учуонайдары өйөөһүн. Ол эдэрдэргэ инники үлэлэригэр олус туһалаах буолуоҕа. Судаарыстыба каадырдары сайыннарыыга күүскэ үлэлиир, аныгы лабораториялары тэрийиигэ уонна саҥа технологиялары өйүүргэ. Онон аан дойду таһымнаах инникилээх быһаарыылар баар буолуохтара», – диэтэ Иван Христофоров.
