Бүгүн Хабаровскайга Саха сирин бырабыыталыстыбатын бэрэссэдээтэлин бастакы солбуйааччы Алексей Колодезников РФ генеральнай борокуруора Юрий Чайка дьиэ-уот хомунаалынай эйгэтигэр сокуоннаһы тутууһу туругун туһунан ыыппыт мунньаҕар кытына. Дакылаакка Саха сиригэр ОДьКХ эбийиэктэрин эргэриитэ 59,6-тан 50,5 бырыһыаҥҥа диэри аччаабытын туһунан этилиннэ.
“Хомунаалынай инфраструктура тиһигин кэлимсэ саҥардыы түмүгэр 2012 сылтан 2017 сылга диэри хомунаалынай хаһаайыстыба 353 эбийиэгэ тутулунна уонна саҥардылынна. Ол иһигэр 339 хочуолунай, уунан хааччыйар 14 эбийиэк. Итилэртэн 2017 сылга – 22 хочуолунай”, — диэтэ кини.
Бастакы вице-премьер бэлиэтииринэн, хомунаалынай комплекс сүрүн фондатын эргэриитэ сыллата аччаан иһэрэ бэлиэтэнэр. Ситимнэри уларытыы уонна саҥа хочуолунайдары тутуу түмүгэр эргэрии 59,6-тан 50,5 бырыһаҥҥа диэри аччаата.
Алексей Колодезников 2017 сылга саҥа судаарыстыбаннай бырагыраама бигэргэммитин туһунан иһитиннэрдэ. Итиннэ олоҕуран хомунаалынай комплекс эбийиэктэрин саҥардыыга 2018 сылтан 2022 сылга диэри 10 млрд солкуобай, ити иһигэр өрөспүүбүлүкэ судаарыстыбаннай бүддьүөтүн суотугар – 1 млрд солкуобай, чааһынай инвестициялар суоттарыгар – 8,5 млрд солкуобай угуллара күүтүллэр.
СИА.
