Россия Айылҕа ресурсаларын уонна экологияҕа министиэристибэтэ уонна Саха сирин бырабыыталыстыбата федеральнай суолталаах бастакы судаарыстыбаннай заказнигы тэрийиигэ тэрээһин үлэни саҕалыыллар. Бу туһунан бүгүн регион айылҕа харыстабылын миниистирэ Сахамин Афанасьев иһитиннэрдэ.
”Новосибирскай арыылара” госзаказнигы тэрийэр үлэ түмүктэннэ, кулун тутар 2 күнүгэр РФ Бырабыыталыстыбатын дьаһала илии баттаммыта.
Миниистир айылҕа ураты харыстанар сирэ-уота урут “Лена-Дельта” ресурснай резерват састаабыгар киирэрин санатта.
“Новосибирскай арыыларыгар” үрүҥ эһэ унна Лаптевтар моржаларын көрүҥэ үөскээн, олохсуйаллар. Саһарҕа хоптото уонна атын да көтөрдөр сымыыттыыллар. Арыыларга сэлии уҥуоҕа уонна атын да кыыллар дьардьамалара эмиэ көстөллөр.
“Новосибирскай арыылар” Булуҥ оройуонугар бааллар. Госзаказник иэнэ 6,6 мөл гектар кэриҥэ.
СИА.
