Саха сиригэр Россия президенин көмөлөһөөччүтэ, РФ муора кэллиэгийэтин бэрэссэдээтэлэ Николай Платонович Патрушев кэллэ. Ил Дархан Айсен Николаевы кытта көрүстэ. Өрүттэр Хотугу муора суолугар Өлүөнэ өрүһүнэн тахсыыга норуоттар ардыларынааҕы тырааныспар көрүдүөрүн тэрийиини дьүүллэстилэр. Маны сэргэ Мохэ — Ньайба көрүдүөр сүрүн эбийиэгэр — Лаптевтар муораларын Хара Уулаах буухтатыгар муора пуордун тутуу бырайыагын көрдүлэр.
Трансарктическай транспортнай көрүдүөр оҥоһуллуутун кэпсэттилэр.
Өлүөнэ бассейнын флотун саҥардыы соруктарыгар уонна Саха Өрөспүүбүлүкэтин баһылыгар муора сэбиэтин үлэтигэр сыһыаннаах тиэмэҕэ болҕомтону туһаайдылар.
Бу хайысхалар стратегическай суолталаахтар: Саха сирин тырааныспарын кыаҕа бөҕөргүүрүгэр уонна Арктика логистиката сайдарыгар.
