Саха сиригэр үлэтэ суох буолуу таһыма 0,5% намтаан, 6,6% тэҥнэстэ. Дьарыктаах буолуу сулууспатыгар 6634 үлэтэ суох киһи регистрацияламмыт. Ол туһунан «Якутия 24» ханаалга «Актуальное интервью» биэриигэ регион нэһилиэнньэтин дьарыктаах буолууга госкэмитиэтин бэрэссэдээтэлэ Елена Калашникова иһитиннэрдэ, диэн СИА кэпсиир.
«Бэлиэтэммит үлэтэ суохтар былырыыҥҥытааҕар уонча тыһыынчанан аҕыйахтар. Арассыыйа утары ыытыллар санкцияларынан сибээстээн үлэһиттэри сарбыйыы, босхолооһун, бүгүҥҥү күҥҥэ былааннаммат уонна бэлиэтэммэт», — диэн Елена Калашникова бэлиэтээтэ.
