Кулун тутар 26 — 28 күннэригэр Дьокуускайга летчик-космонавт, Россия Геройа, Ю.А. Гагарин аатынан космонавтары бэлэмниир киин космонавтарын этэрээтин чилиэнэ Андрей Борисенконы кытта көрсүһүү тэриллэр.
Ыалдьыт оҕолору, устудьуоннары, педагогтары кытта иһитиннэрэр-сырдатар бэсиэдэлэри ыытыаҕа.
Андрей Борисенко орбитаҕа 2011 уонна 2016 сылларга сылдьыбыта. Уопсайа космоска 337 суукка 8 чаас 56 мүнүүтэ буолбута.
Космонавт бастакы космонавт Юрий Гагарин 90 сылыгар, Россияҕа дьиэ кэргэн, Саха сиригэр оҕо саас сылларыгар анаммыт С.П. Королев аатынан III аһаҕас регионнар ардыларынааҕы оҕолор научнай ааҕыыларыгар кыттыаҕа.
Ааҕыылар аэрокосмическай уонна техническай идэлэргэ оҕолору уһуйар сыаллаах ыытыллаллар.
