Саха Сиригэр Канкунскайдааҕы ГЭС тутуутун бырайыагын сөргүтүөхтэрэ. Эбийиэги «Эльга» хампаанньа чааһынай инвестиция суотугар тутар санаалаах. Бу туһунан РФ президенин Уһук Илиҥҥэ боломуочуйалаах бэрэстэбиитэлигэр Сэбиэт мунньаҕын түмүгүнэн иһитиннэрдилэр.
«Биһиги чахчы Канкунскайдааҕы ГЭС бырайыагын олоххо киллэриигэ олус эрэнэбит, наадалаах көмөнү барытын оҥоруохпут. Туспа бэлиэтиэхпин баҕарабын, бүгүн Уһук Илини сайыннарыыга миниистир президент саҥа биир кэлим конфиденциальнай эрэһиими тэрийиигэ сорудахтарын толоруу саҕаламмытын туһунан кэпсээтэ», — диэн бэлиэтээтэ вице-премьер — РФ президенин Уһук Илиҥҥэ боломуочуйалаах бэрэстэбиитэлэ Юрий Трутнев.
Саха сирин баһылыга Айсен Николаев иһитиннэрбитинэн, Канкунскайдааҕы ГЭС тутуутун бырайыага сэбиэскэй кэм саҕаттан оҥоһуллубута.
«Билигин «Эльга» хампаанньа чааһынай инвестиция суотугар балачча кылгас кэм иһигэр бу эбийиэги тутар санаалаах. Мунньахха РФ саамай улахан инвестиционнай бырайыагын олоххо киллэрэр санаа этилиннэ», — диэн Айсен Николаев эбэн биэрдэ.
