Саха сиригэр икки күн иһигэр эмсэҕэлээбиттэрдээх 10 саахал бэлиэтэннэ. Икки киһи өллө, өссө тоҕус киһи араас эчэйиини ыллылар. Бу туһунан от ыйын 20 күнүгэр өрөспүүбүлүкэ ИДьМ ГИБДД управлениетын пресс-сулууспатыгар иһитиннэрдилэр.
От ыйын 18 күнүгэр «Халыма» тыраассатыгар Аллараа Бэстээхтэн айаннаан испит массыына эргийдэ. Саахал Чурапчы оройуонун Мугудай нэһилиэгин таһыгар буолла. Билигин биллэринэн, 43 саастаах суоппар массыынатын кыайан салайбакка суолтан туораабыт. Ылбыт эчэйиититтэн миэстэтигэр өлбүт. Быһылаан төрүөтүн силиэстийэ быһаарар.
Өссө биир өлүү түбэлтэтэ от ыйын 17 күнүгэр Алдан оройуонугар «Лена» массыына суолугар таҕыста. Суоппар эмиэ массыынатын кыайан салайбата.
