Сэтинньи 16 күнүгэр Дьокуускайга Космонавтов уулуссатын эргиир суолугар түөрт массыына кыттыылаах улахан саахал таҕыста. Ол туһунан киин куорат госавтоинспекцията иһитиннэрэр.
Чэппиэр күн сарсыарда 11 чааска 42 саастаах Scania R500CF мааркалаах таһаҕас тиэнэр массыына суоппара утары испит «ГАЗ Соболь» микропутуобуска суолун туран биэрбэтэх. Ол түмүгэр массыыналар харсыспыттар, онтон микроптуобус охсуутуттан Toyota Land Cruiser уонна Toyota Hilux массыыналарга баран түспүт.
Бэрэбиэркэ саахал кыттыылаахтара бары арыгы испэтэхтэрин көрдөрдө. Саахал түмүгэр ким даҕаны эчэйии ылбата диэн, ГИБДД-га чуолкайдаатылар.
Scania массыына суоппарыгар административнай сэрэтии оҥоһулунна уонна биир тыһыынча ыстыраап суруйдулар.
