Ону тэҥэ бырайыак иитинэн Өлүөхүмэ уонна Полярнай (I түһүмэх) аэропордарын саҥардар үлэ салҕанар. Ону кытта Мииринэй куоракка саҥа аэропорт тутуутун 2027 сылга түмүктүүрү былаанныыллар.
Ону таһынан, 2025-2030 сылларга салгын тырааныспарын инфраструктуратын сайыннарар пуонда үбүлээһининэн, өрөспүүбүлүкэ 16 аэропордун толору өрөмүөннүөхтээхтэр, ол иһигэр Ленскэй, Уус Куйга, Муома, Хаандыга, Белая Гора, Орто Халыма, Маҕан, Черскэй, Сааскылаах, Саккырыыр, Чокурдаах, Баатаҕай, Тиксии, Бүлүү киирсэллэр, ону тэҥэ Дьокуускай куорат аэропордун перронун, сөмөлүөт көтөр суолун өрөмүөнэ киирсэр.
