Витебскайга олунньу 14-19 күннэригэр А.Колчин аатынан норуоттар икки ардыларынааҕы турнир ыытыллыаҕа, манна 19-22 саастаах Арассыыйа эдэрдэргэ сүүмэрдэммит хамаандата кыттыаҕа. Беларусь уобалаһыгар норуоттар икки ардыларынааҕы турнир иннинэ олунньу 5-13 күннэригэр Калужскай уобалас Обнинскайыгар эрчиллэр түмсүү ыытыллар. Күрэхтэһиигэ Саха сириттэн икки спортсмен кыттыыны ылыаҕа.
48 кг диэри ыйааһыҥҥа Валерий-Талбан Егоров, оттон 51 киилэҕэ диэри ыйааһыҥҥа Арассыыйа чемпионатын боруонса призера Евгений Мартынов тахсыаҕа.
Дойду боксаҕа сүүмэрдэммит хамаандатын сүрүн тренерэ Виктор Фархутдинов Арассыыйа боксаҕа федерациятын пресс-сулууспатыгар иһитиннэрбитинэн, Витебскайга буолар турнирга Европа күрэхтэһиитигэр ким кыттарын быһаарыахтара. Күрэхтэһии кулун тутар 11-24 күннэригэр Хорватияҕа ыытыллыаҕа.
Хамаандалар эрчиллэр түмсүүгэ уонна турнирга састааптара: 48 кг 1. Валерий-Талбан Егоров – Дьокуускай, 2. Максим Голиков — Орловскай уобалас. 51 кг ыйааһыҥҥа Евгений Мартынов — Санкт- Петербург, Баир Батлаев — Бурятия.
