19 От ыйа 19.07
  • 23°
  • $ 87,88
  • 96,1

Россия былааҕын күнүгэр дьону-сэргэни 280 кг ыйааһыннаах тордунан күндүлүөхтэрэ

17:35, 17 августа 2016
Читайте нас на
Яндекс Новости
ЯДВ

Россия былааҕын күнүгэр – атырдьах ыйын 22-гэр Дьокуускайга үөрүүлээх тэрээһинэр ыытыллыахтара. Киин куорат сүрүн болуоссатыгар миитин, велопробег, «ЗОЖигай» спорт фестивала, о.д.а. Бырааһынньыкка кэлбиттэри ону таһынан минньигэс торт күүтэр.


«Миитин күн ортото Ленин аатынан болуоссакка саҕаланар. Киров уулуссатынан велопробег саҕаланар, онно бырабыыталыстыба чилиэннэрэ, баҕалаахтар бары кытталлар», — диэн СИА-ҕа Саха сирин баһылыгын уонна бырабыыталыстыбатын дьаһалтатын салайааччытын солбуйааччы Александр Сафронов эттэ.

Хомсомуол болуоссатыгар бырааһынньыктааҕы бырагыраама олохтоохтору ыҥырар. «Дотронься до флага» акция манна сүрүн миэстэни ылыаҕа. Хас биирдии киһи Россия былааҕын бэлиэтиир болотунаны кырааскалыырыгар кыах бэриллэр.

Дьокуускайдааҕы килиэп кэмбинээтэ торт бэлэхтиэҕэ. 280 кг. ыйааһыннаах Россия былааҕын курдук оҥоһуллубут торт уопсайа 1400 порцияттан туруоҕа.

«Бу күн куорат олохтоохторугар: улахан дьоҥҥо, ыччакка, оҕолорго бука барыларыгар өйдөнөн хаалыан баҕарабыт. Бырааһынньык Россия дьонун-сэргэтин сомоҕолуур соруктаах», —диир Александр Дмитриевич.

Следите за самым важным и интересным в Telegram-канале и WhatsApp-группе ЯСИА