Россия НАТО офиһын космостан кэтээн көрөр. Ол туһунан НАТО иһинэн Россия урукку бастайааннай бэрэстэбиитэлэ, «Роскосмос» баһылыга Дмитрий Рогозин бэйэтин Telegram-ханаалыгар таһаарда.
Кини эппитинэн, альянс 1949 сыл муус устар 4 күнүгэр тэриллибит уонна, Рогозин санаатынан, бүтүн аан дойдуга кутталы үөскэппит.
«Баҕарыам этэ, мин Брюссельга, чуолаан Столтенберга, урут бииргэ үлэлээбит билэр дьонум НАТО төрөөбүт күнүгэр бэйэлэрин офистарын спутниктан «Роскосмос» космическай аппараатыттан түһэриллибити үөрэ көрөллөрүгэр. Биһиги эһигини кэтээн көрө олоробут. Ону билиэххитин наада», — суруйда Рогозин.
Рогозин бэйэтин таһарыытыгар НАТО Брюсселлээҕи штаб-кыбартыыратын хаартыскатын хатаата. Бэлиэтэммитинэн, хаартыска «Ресурс-П» Россиятааҕы спутник көмөтүнэн түһэриллибит.
Тохсунньуга «Роскосмос» баһылыга Хотугулуу-атлантический альянсы оҥорон көрөн этиллэр эбийисээйэ норуотун кытта тэҥнээбитэ — Редьярд Киплинг «Маугли» кинигэтин бандерлогтарынан.
Источник: РБК
