22 От ыйа 22.07
  • 30°
  • $ 88,02
  • 96,04

Өрөспүүбүлүкэтээҕи фестивальга Эбээн Бытантай дьиэ кэргэнэ «Көс ыал» анал ааты ылла

15:40, 20 декабря 2018
Текст:
Читайте нас на
Яндекс Новости
ЯДВ

Өрөспүүбүлүкэтээҕи «Сыл бастыҥ дьиэ кэргэнэ» фестивальга Эбээн Бытантайтан сылдьар Константиновтар кытыннылар. Кинилэр «Көс ыал» анал аат ылан, сертификат туттулар.  


Өрөспүүбүлүкэтээҕи ыччат уонна дьиэ кэргэн политикатын министиэристибэтэ уонна Эбээн Бытантай национальнай улууһун дьаһалтата, Хотугу норуоттар оонньууларыгар «Көс ыал 2018» күрэҕин III төгүлүн тэрийэн ыыппыттара. Ол түмүгүнэн Константиновтар дьиэ кэргэн кыайыылаах буолбута. Онно бураан ыларга сертификат биэрбиттэрэ, ону таһынан сылын аайы ыытыллар «Сыл бастыҥ дьиэ кэргэнэ» диэн фестивальга Ил Дархан 300 тыһ. сууммалаах бириэмийэтэ туттарыаллыа диэн биллэрбиттэрэ.

Болдьоммут кэмҥэ Константиновтар бары тэринэн, Дьокуускайга көтөн тиийбиттэрэ. «Сыл бастыҥ дьиэ кэргэнэ» Ил Дархан бириэмийэтин биэс дьиэ кэргэн ылла, арааһынай анал ааттарынан наҕараадаланнылар. Ол иһигэр Константиновтар «Көс ыал» анал аатын кыайыылаахтара буолан 300 тыһ. сууммалаах сертификаты илиилэригэр туттулар.

Бу туһунан кыайыылаах дьиэ кэргэн аҕа быһылыга Афанасий Константинов маннык сырдатар:

— Анал аат хаһаайыттарын сүрдээх үчүгэйдик көрүстүлэр, үрдүк таһымнаах тэрээһин буолла диэхпин баҕарабын. Ол курдук манна Бүлүүттэн, Горнайтан, Үөһээ Дьааҥыттан, Лиэнскэйтэн уонна биһиги Эбээн Бытантайтан тиийэммит анаммыт наҕараадабытын бары туттубут. Анал ааттар мустубут улуустар курдук уратылар. «Көс ыал», «Тыа ыала», «Куорат ыала», «Эдэр ыал», «Үгэстэри илдьэ сылдьааччылар» диэн арааһынай ааттар мустаннар эҕэрдэ нүөмэрдэрин көрдөрдүлэр. Биһиги онно эбии эбээн норуотун ииһин, таҥаһын-сабын илдьэн быыстапка туруордубут. Маннык тэрээһиҥҥэ тиийэн кыттыыны ылбыппытыттан олус диэн астынныбыт, оҕолор эмиэ сэргэхсийдилэр.

Ааптар: Марианна Слепцова

Следите за самым важным и интересным в Telegram-канале и WhatsApp-группе ЯСИА