18 От ыйа 18.07
  • 20°
  • $ 88,09
  • 96,3

Өрөспүүбүлүкэ сүрүн хапытаалыгар 365 млрд. солк. киирдэ

18:00, 31 января 2018
Текст:
Читайте нас на
Яндекс Новости
ЯДВ

Сүрүн хапытаалга инвестицияны киллэрии хас биирдии дойдуга улахан оруолу ылар. Манна экономиканы сайыннарыыга туох тутуу барбыта, производствоҕа туох тиэхиньикэ, оборудование ылыллыбыта барыта ааҕыллар. Былырыын сүрүн хапытаалбытыгар, быһа холуйан, 365 млрд. солк. киирбитэ биллэр.


Промышленноһы сайыннарыыбыт, онтон киирэр үбүлээһин төһүү күүс буолаллар. Ол курдук, Чайыҥдатааҕы ньиэп-гаас конденсаттаах сири туһаҕа таһаарыы уонна “Сибиир күүһэ” гаас ситимин тутуу улахан оруолу ыллылар. Ону сэргэ, Дьокуускайга 193 МВт кыамталаах ГРЭС бастакы уочарата тутуллубута улахан суолталаах.

Манна даҕатан эттэххэ, былырыыҥҥы сылга энергетикаҕа улахан уларыйыы таҕыста. Ол курдук, күн уотунан барар станциялар сылын аайы эбиллэн иһэллэрин таһынан, уот төлөбүрүгэр кэмчилээһин таҕыста. Былырыын Кэбээйи улууһун Сэбээн Күөлүгэр, Өймөкөөн улууһун Орто Балаҕаныгар, Эдьигээн улууһун Кыстатыамыгар 140 кВт кыамталаах 3 станция үлэҕэ киирбитэ, Тиксиигэ 900 кВт кыамталаах тыалтан үлэлиир станцияны тутуу саҕаламмыта. Уһук Илин регионнар уокка төлүүр тарыыптарын намтатыыга анал сокуон тахсан, былырыын өрөспүүбүлүкэҕэ төлөбүр (нэһилиэнньэттэн ураты туһанааччыларга) 58 % түспүтэ.

Следите за самым важным и интересным в Telegram-канале и WhatsApp-группе ЯСИА