Өрөспүүбүлүкэ үрдүнэн 8 ойуур баһаарын умуруорууга үлэлэһэллэр, онтон иккитэ бохсулунна. Бу туһунан экология харыстабылын министиэристибэтин пресс-сулууспатыгар сигэнэн, СИА иһитиннэрэр.
Уот 92,20 га сири сиэтэ. Ааспыт сууккаҕа 12 уоту: Горнайга – 2, Кэбээйигэ – 3, Нерюнгрига, Өлүөхүмэҕэ, Тааттаҕа, Томпоҕо, Уус-Алдаҥҥа, Чурапчыга уонна Дьокуускайга биирдии уоту умуруордулар. Биир ойуур баһаарын ыраах сытар сиргэ тохтоттулар. Уоту умулуннарыыга 180 киһи, 20 техника үлэлээтэ.
Ыраах сытар 53 183, 00 га иэннээх сиргэ 33 уот көрдүгэнэ баара биллэр. Балары космическэй сириэстибэлэринэн кэтииллэр. Баһаардар нэһилиэктэргэ, экономика эбийиэктэригэр суоһаабаттар.
This post was published on 26.08.2020 11:03 11:03