18 Тохсунньу 18.01
  • -48°
  • $ 73,82
  • 83,32

Путин АХШ икки генералын уордьанынан наҕараадалаата

18:50, 11 апреля 2018
Текст:

Арассыыйа бэрэсидьиэнэ Владимир Путин бэйэтин ыйааҕынан астронавтар Томас Стаффорды уонна Чарльз Болдены Арассыыйа – АХШ космонавтикаҕа бииргэ үлэлээһиннэрин сайыннарыыга тус кылааттарын иһин Доҕордоһуу уордьанынан наҕараадалаата.


АХШ муоратааҕы пехотатын корпуһун генерал-майора Чарльз Фрэнк Болден 1986–1994 сыллардаахха космоска түөртэ тахса сылдьыбыта: бастаан «Колумбия» (1986) уонна «Дискавери» (1990) хараабыллар пилотттарынан, кэлин «Атлантис» (1992) уонна «Дискавери» (1994) хараабыллар хамандыырдарынан. Кэнники сырыытыгар космонавт Сергей Крикалевы кытта бииргэ көппүтэ.

Доҕордоһуу уордьанын өссө биир саҥа кавалера — АХШ СБК генерал-лейтенана Томас Пэттен Стаффорд 1965–1975 сыллардаахха космоска эмиэ түөртэ сылдьыбыта. 1969 сыллаахха «Аполлон-10» хараабыл хамандыыра Ыйга тиийэн, түһэр аппараты ситиһиилээхтик бэрэбиэркэлээбитэ. 1975 сыллаахха кини салайар“Аполлона” Алексей Леонов хамандыырдаах «Союз-19» хараабылы кытта орбитаҕа аан бастаан тиксиспитэ. 2011 сыллаахха бэрэсидьиэн Дмитрий Медведев ыйааҕынан “Омук гражданнара космоһы баһылааһыннарыгар үтүөлэрин иһин” диэн мэтээлинэн наҕараадаламмыта. 2000 сыллар саҕаланыыларыгар Стаффорд кэргэнинээн Арассыыйаттан икки уолу — Михаилы уонна Станиславы – иитэ ылбыттара. Кини биир сиэнигэр космонавт доҕоро Алексей Леонов аатын биэрбитэ.

Роман ПОПОВ, “Саха сирэ” хаһыат, edersaas.ru

Хаартыскаҕа: Чарльз Фрэнк Болден
Bill Ingalls / NASA фотота.

0
0
18 января 18.01
  • -48°
  • $ 73,82
  • 83,32