Москваҕа бэс ыйын 4-5 күннэригэр пауэрлифтиҥҥа Европа аһаҕас Кубога буолан ааста. Саха сириттэн кыттыбыт Петр Баттахов саҥа рекорд олохтоото.
Москватааҕы пауэрлифтинг күрэхтэһиитигэр барыта 6 дойдуттан 235 спортсмен кытынна. Саха сириттэн 70-н үөһэ саастаахтарга 110 киилэ ыйааһыннаахтарга Ньурбаттан төрүттээх, Ньурба улууһуттан мас тардыһыытыгар бастакы маастар Петр Баттахов кытынна.
Кини 455 киилэни хомуйан уонна становой тягаҕа 210 киилэни көтөҕөн, аан дойду саҥа рекордун бэйэтин дивизионугар олохтоото.
Саха сирин спортсмена становой тягаҕа муҥутуур чемпион буолла.
