25 Ыам ыйа 25.05
  • -7°
  • $ 104,68
  • 115,6

От ыйын 20 күнэ. Саахымат аан дойдутааҕы күнэ - Бикипиэдьийэ

09:01, 20 июля 2021
Текст:

Үрүҥ Айыы тойон үрүҥ утах быаны түһэрэр аартыгын күнэ. Ити аартыкка хайыһан Айыы киһитэ үрүҥ тыынын бөҕөргөтөр.

1898 сыллаахха Дьокуускайга маҥнайгы босхо өҥөнү оҥорор Кыһыл кириэс уопсастыба балыыһата арыллыбыт.

1963 сыллаахха Мииринэйгэ 51 карааттаах алмаас булбуттар. Бастакы космонавт дьахтар Валентина Терешкова аатын биэрбиттэр.

Бу күн аатырбыт сүүрүк, өрөспүүбүлүкэ рекордсмена Василий Охлопков, Саха Өрөспүүбүлүкэтин Ил Түмэнин Палататын Бэрэссэдээтэлин солбуйааччы, Саха Өрөспүүбүлүкэтин ытык киһитэ Иван Черов төрөөбүттэр.


Бэлиэ күннэр:

Түбэлтэлэр:

  • 1217 — Кинээстэр мунньахтарыгар Рязань 6 кинээһин өлөрбүттэр.
  • 1402 — Тимур туурак султаанын Баязиды Анкара аттынааҕы кыргыһыыга үлтүрүппүт.
  • 1534 — Кембриджкэ аан дойдуга бастакы кинигэ кыһата бэлиэтэммит.
  • 1653 — нуучча ыраахтааҕытын посольствота Чигириҥҥэ кэлэн ыраахтаахтааҕы Запорожье хаһаактарын бэйэтин илиитигэр ыларга сөбүлэспитин туһунан биллэрбит.
  • 1658 — (урукку ааҕыынан от ыйын 10 күнэ) патриарх Никон дуоһунаһыттан батыммыт.
  • 1898 — Дьокуускайга маҥнайгы босхо өҥөнү оҥорор Кыһыл кириэс уопсастыба балыыһата арыллыбыт. Бу балыыһаҕа быраас Виталий Вонгродскай үлэлээбит.
  • 1916 — Дьокуускай таһыгар Хатыыстаахха бастакы уу ылар станция арыллыбыт.
  • 1925 — Алдан уокуруга тэриллибит.
  • 1944 — Дьокуускайга суруйааччылар уонна суруналыыстар литературнай мунньахтара аһыллыбыт. 200-тэн тахса киһи кыттыбыт.
  • 1963 — Мирнэйгэ 51 карааттаах алмаас булбуттар. Бастакы космонавт дьахтар Валентина Терешкова аатын биэрбиттэр.
  • 1966 — Саха сиригэр Өлүөнэ өрүһүнэн бастакы туристическай айан саҕаламмыт.
  • 1969 — «Аполлон-11» экипааһа Ыйга ситиһиилээхтик түспүт. Алта аҥаар чаас буолан баран Америка астронавтара Нил Армстронг уонна Базз Олдрин Ый ньууругар үктэммит бастакы дьон буолбуттар.
  • 1973 — Таатта уонна Чурапчы тыйаатырдара Улан-Удэҕэ буолбут норуот тыйаатырдарын көрсүһүүтүгэр кыттыбыттар.
  • 1987 — Канаада хотугу-арҕааҥы провинцияларын дэлэгээссийэтэ Саха сирин ирбэт тоҥҥо тутуллубут эбийиэктэрин көрө кэлэ сылдьыбыттар.

Төрөөбүттэр:

  • 1918 — Иван Петров, 1966—1979 сыллардаахха Саха АССР Миниистирдэрин Сэбиэтин бэрэссэдээтэлэ.
  • 1931 — Кириэс-Халдьаайыга Василий Охлопков — аатырбыт сүүрүк, өрөспүүбүлүкэ рекордсмена.
  • 1938 — Абый оройуонун Мугурдаах нэһилиэгэр Иван Черов төрөөбүт.

Өлбүттэр:

  • 1994 — Федор Васильев (10.05.1951 төр.) — сахалар сэриигэ сыһыаннарын чинчийбит историк-этнограф, устуоруйа билимин хандьыдаата.
Следите за самым важным и интересным в Telegram-канале и WhatsApp-группе ЯСИА
0
0