От ыйын 18 күнүгэр ССРС оскуолаларыгар уолаттар уонна кыргыттар бииргэ үөрэнэр буолбуттар. Бу күн Америкага көмпүүтэр компоненнарын оҥорор «Intel» хамаанньа олохтоммут. Саха сиригэр саха живописеһа, Дьокуускайдааҕы уруһуй училищетын салайааччыта, СӨ искусствотын үтүөлээх деятелэ, РФ орто анал үөрэхтээһинин бочуоттаах үлэһитэ Кирилл Гаврильев төрөөбүт. Биллиилээх суруналыыс, өр сылларга «Якутия» хаһыат сүрүн редакторынан үлэлээбит Эдуард Рыбаковскай күн сириттэн букатыннаахтык күрэммит.
От ыйын 18 диэн Грегориан халандаарыгар сыл 199-с күнэ (ордук хонуктаах сылга 200-c күнэ). Сыл бүтүө 166 күн баар.
Түбэлтэлэр:
- 1921 — Францияҕа Альбер Кальмет (Léon Charles Albert Calmette) уонна Камиль Герен (Jean-Marie Camille Guérin) сэллиги утары бастакы быһыыны туруорбуттар.
- 1942 — Москуба—Киев тимир суолугар өстөөх буомбалааһыныгар түбэһэн эмсэҕэлээбит 208 №-дээх арҕааҥҥы полка 275 бааһырбыт саллааттарын уонна хамандыырдарын капитан Василий Ксенофонтов хамаандалыыр танковай ротата өлөр өлүүттэн быыһаабыта. Бу Маалыкайтан төрүттээх киһи аатырбыт өрөбөлүүссүйэни тэрийээччи Мегежекскэй бииргэ төрөөбүт быраата, бэйэтэ эмиэ Гражданскай сэрии кыттыылааҕа.
- 1954 — ССРС оскуолаларыгар уолаттар уонна кыргыттар бииргэ үөрэнэр буолбуттар.
- 1968 — «Intel» хамаанньа олохтоммут.
- 1968 — Чехия хомуньуустарын салайааччыта Александр Дубчек «Киһилии социализм» туһунан эппит.
- 2000 — Бриллиант оҥорооччулар аан дойдутааҕы холбоһуктара уонна Алмаас биржаларын аан дойдутааҕы федерациялара Арассыыйа Алмааһын балаататын билиммиттэр. Онон аан дойду алмааһын биржаларыгар барытыгар эргинэр быраабы ылбыт.
Төрөөбүттэр:
- 1839 — Иван Куратов (1875 өлб.), коми бэйиэтэ, лингвист, тылбаасчыт, коми литэрэтиирэтин олохтооччу.
- 1918 — Мандела Нельсон — апартеиды (хара уонна үрүҥ тириилээхтэри араарар бэлиитикэ) утаран 27 сыл хаайыыга сыппыт киһи, ЮАР бэрэсидьиэнэ буолбута.
- 1943— Максимов Петр Семенович — философия билимин кандидата,
- 1955— Гаврильев Кирилл Петрович — саха живописеһа, Дьокуускайдааҕы уруһуй училищетын салайааччыта. СӨ искусствотын үтүөлээх деятелэ, РФ орто анал үөрэхтээһинин бочуоттаах үлэһитэ, Россия худуоһунньуктарын айар Союһун кыһыл көмүс мэтээлин, РФ култуураҕа министиэристибэтин «Култуураҕа ситиһиилэрин иһин» бэлиэ хаһаайыннара.
Өлбүттэр:
2010 — Рыбаковскай Эдуард Михайлович (20.08.1927—18.07.2010) — биллиилээх суруналыыс.
