14 От ыйа 14.07
  • 31°
  • $ 87,74
  • 95,76

От ыйын 17 күнэ. Эмодзи аан дойдутааҕы күнэ - Бикипиэдьийэ

09:01, 17 июля 2021
Текст:
Читайте нас на
Яндекс Новости
ЯДВ

Арассыыйаҕа этнограф, ВМФ авиациятын күнэ.

1976 сыллаахха Монреальга XXI Олимпиада оонньуулара саҕаламмыт. Бу оонньууларга көҥүл тустууга саха оскуолатын өрөгөйө буолбута.

Бу күн Дьокуускай баһылыгынан үлэлээбит, СӨ бырабыыталыстыбатын солбуйар бэрэстээтэлинэн, РФ омуктарга уонна миграцияҕа бэлиитикэтин миниистирин солбуйааччыта буола сылдьыбыт Алексей Томтосов, Саха Сирин биллиилээх уопсастыбаннай диэйэтэлэ уонна бэлиитигэ, социолог уонна психолог учуонай Ульяна Винокурова, саха ырыаһыта Саина төрөөбүттэр. 


Бэлиэ күннэр:
  • ХНТ — Аан дойдутааҕы холуобунай суут күнэ. 1998 сыллаахха Риимҥэ Аан дойдутааҕы холуобунай сууту тэрийэр туһунан сөбүлэҥ түһэрсиллибит. Бу суут түөрт хайысханы көрөр: геноцид, киһи-аймаҕы утары оҥоһуллубут буруй, байыаннай буруй уонна дойдуну утары агрессия. Суут штаб-квартирата Гаага куоракка баар.
  • Арассыыйа:
    • Этнограф күнэ. ССРС-ка 1970-с сс. бэлиэтэнэр. Бу күн эдэр этнографтары «сүрэхтиир» идэлээхтэр.
    • ВМФ авиациятын күнэ
  • Ираак — Өрөбүлүүссүйэ күнэ (БААС1968)
  • Лесото — Хоруол төрөөбүт күнэ (Летсие III)
  • Пуэрто Рико — Луис Ривьера төрөөбүт күнэ (Luis Muñoz Rivera)
  • Финляндия — Демократия күнэ
  • Соҕуруу Кэриэйэ — Конституция күнэ
  • Словакия — Тутулуга суох буолуу күнэ
  • Япония — Гион Мацури (Gion Matsuri)
  • Эмодзи аан дойдутааҕы күнэ (World Emoji Day)
  • От күөҕэ харахтаахтар күннэрэ (от ыйын 18 күнүгэр бэлиэтэнэр халлаан күөҕэ харахтаахтар күннэрин иннинэ)
  • Фиргун күнэ — туора дьон ситиһиитигэр үөрүү күнэ. 2014 сыллаахтан Израильга түмэт-тэрилтэ көҕүлээһининэн бэлиэтэнэр буолбут. Бу күн дьон бэйэ-бэйэлэригэр комплимент этэллэр, атын дьон ситиһиитин хайгыыллар.

Түбэлтэлэр:

  • 1429 — аҥылычааннартан босхоломмут Реймс куоракка Франция хоруонатын Карл VII кэппит (сиэр-туом кэмигэр кини үрдүгэр дуоҕаны Жанна д’Арк тутан турбут).
  • 1611 — Якоб Делагарди баһылыктаах швед сэриитэ Новгороды ылбыт.
  • 1785 — Камчааткаҕа көскө сылдьан күрээбит Мориц Бенёвскэй бэйэтин Мадагаскаар импэрээтэринэн биллэриммит уонна Францияҕа сэриини биллэрбит.
  • 1868 — Япония киинэ Киото куораттан Токиоҕа көспүт.
  • 1907 — Санкт-Петербурга нуучча-дьоппуон сөбүлэҥэ түһэрсиллибит. Өрүттэр бэйэ-бэйэлэрин сирдэрин былдьаспат, Кытай тутулуга суоҕун ытыктыыр, Манчжурияны нуучча уонна дьоппуон сабыдыаллыыр сирдэригэр араарар (хоту өттө Арассыыйа киэнэ, соҕуруу өттө — Япония), Кэриэйэни Япония анал интэриэстээх сиринэн ааҕар, оттон Монголияны Арассыыйа анал интэриэстээх сиринэн ааҕар туһунан сөбүлэспиттэр.
  • 1918 — Сибиир Бириэмэннэй бырабыыталыстыбата Омскайга Сибиир тутулуга суох буолуутун туһунан Декларацияны ылыммыт.
  • 1920 — бассабыыктар өрөспүүбүлүкэҕэ баар киинэ аппарааттарын уонна хартыыналары национализациялаабыттар.
  • 1923 — Анатолий Пепеляев салайааччылаах үрүҥ этэрээттэрэ Айааҥҥа кыһылларга бэриммиттэр.
  • 1929 — КВЖД-ны былдьаһыы түмүгэр ССРС Кытайы кытта дипломааттыы сыһыанын тохтоппут.
  • 1936 — Байыаннайдар өрө турууларыттан Испанияҕа гражданскай сэрии саҕаламмыт.
  • 1937 — Саха АССР Совнаркомун уурааҕынан «сайыҥҥы ис ыарыытын кытта охсуһар» оҕо балыыһата тэриллибит.
  • 1942 — Сталинградтааҕы кыргыһыы бастакы кэрчигэ (көмүскэнии) саҕаламмыт.
  • 1975 — Куйаарга «Союз» (ССРС) уонна «Аполлон» (АХШ) хараабыллар стыковкаласпыттар.
  • 1976 — Монреальга XXI Олимпиада оонньуулара саҕаламмыт. Бу оонньууларга көҥүл тустууга саха оскуолатын өрөгөйө буолбута.

Төрөөбүттэр:

Өлбүттэр:

Следите за самым важным и интересным в Telegram-канале и WhatsApp-группе ЯСИА