Дьокуускайга тутуллар искэни эмтиир киин арыллыыта тохсунньуга буолара былааннанар. Ил Дархан Айсен Николаев бэнидиэнньиктээҕи мунньаҕар медицинскай тэрили туруорарга сорудахтаата.
Регион салалтатын пресс-сулууспата иһитиннэрбитинэн, тутар-таҥар үлэлэр эбийиэккэ түмүктэннилэр. Билигин медицина тэрилин туруораллар. Бу күннэргэ үлэлэтиигэ көҥүл бэриллиэхтээх.
Санаттахха, киини ахсынньыга арыйар былаан баара, ити эрээри санкциянан медицина тэрилин аҕалан туруоруу хааччахтаммыта.
