Бүтүн Россиятааҕы норуот фронун актыбыыстара 33 №-дээх уонна 34 №-дээх анал (коррекциялыыр) оскуола-интэринээти баһаартан куттала суох буолууларыгар бэрэбиэркэлээтилэр.
33 №-дээх оскуолаҕа кылаастар аһары толоруларын бэлиэтээтилэр. Бу оскуолаҕа 850 оннугар 1875 оҕо үөрэнэр. Баһаар суоһуур түгэнигэр оҕолору дьиэттэн таһаарарга уустугу үөскэтиэн сөп. Ол эрээри дириэктэр Тамара Таюрскайа этэринэн, бары кылаастар ханан тахсалларын билэллэр.
“34 №-дээх оскуолаҕа саппаас ааннар күнү быһа аһаҕас тураллар. Социальнай эбийиэктэри ситэ үбүлээбэт буолуу боппуруоһа дьоҥҥо кутталы үөскэтэр. Бу боппуруоһу өрөспүүбүлүкэ бырабыыталыстыбатын таһымыгар туруоруохпут”, — диэтэ Саха сиригэр ОНФ регионнааҕы штабын чилиэнэ Афанасий Алексеев.
СИА.
