1931 сыллаахха ыытыллыбыт алта күннээх сийиэскэ сири олохтооһун сүрүн боппуруостара көрүллүбүттэр.
1938 сыллаахха Исидор Бараахап хаайыллыбыт.
Бу күн оҕо суруйааччыта, сахаттан бастакы дьахтар суруйааччы Анна Неустроева, аатырбыт артыыс, драматург, хореограф, мас ууһа Иоаким Избеков — Уустаах Избеков, ырыаһыт, РСФСР норуодунай артыыһа Анегина Ильина, тыйаатыр уонна киинэ артыыһа Маргарита Борисова төрөөбүттэр.
Бэлиэ күннэр:
- Вьетнам — Хомуньуус баартыйа үөскээбит күнэ
- Мозамбик — Дьоруойдар күннэрэ
- Сан-Томе уонна Принсипи — Сэриигэ охтубуттар күннэрэ
- АХШ — Түөрт капеллан күнэ. 1943 сыллаахха АХШ аармыйатын 4 капеллана (методистар сыаркаптарын, реформистар сыаркаптарын, католиктар сыаркаптарын аҕабыыттара уонна раввин) ньиэмэс торпедатыттан тимирэн эрэр хараабылтан дьону быыһаабыттара, быыһыыр жилеттарын атын дьоҥҥо биэрбиттэрэ уонна хараабылы кытта тимирбиттэрэ.
- АХШ — Моркуоп туордун күнэ
- Таиланд — Бэтэрээннэр күннэрэ
- Япония — Сэцубун.
Түбэлтэлэр:
- 1718 — Петр I уолун Алексейы бөрөстүөлү ылар быраабын быһан, нэстилиэнньигинэн кыра сарыабыһы Петры оҥорор.
- 1830 — Арассыыйа, Британия, Франция бэрэстэбиитэллэрэ Лондонскай боротокуолга илии баттыыллар, бу дөкүмүөн Грецияны тутулуга суох конституционнай монархия оҥорор. Бу иннинэ хас да үйэ тухары Греция туурак султаанын бас билиитигэр этэ.
- 1931 — бу күнтэн олунньу 9 күнүгэр диэри Саха сирин сир үлэһиттэрин Бастакы сийиэстэрэ буолбут. Сири олохтооһун сүрүн боппуруостара көрүллүбүттэр.
- 1938 — Исидор Бараахап хаайыллыбыт. Ол эрээри дьыалатыгар доппуруос бастакы боротокуола ол кэнниттэн 146 хонук буолан баран биирдэ суруллубут. Бу биэс ый устата туох буолбута биллибэт. Бу тухары НКВД хаайыытыгар сытан «буруйун» билиммэтэх буолан, доппуруос боротокуола суох диэн устуорук Е. Алексеев суруйар.
- 2000 — Алдан улууһугар Суннаҕын-Силигир диэн ааттаммыт эркээйи сир тэриллибит.
Төрөөбүттэр:
- 1903 — Анна Неустроева, оҕо суруйааччыта, сахаттан бастакы дьахтар суруйааччы, ССРС суруйааччыларын сойууһун чилиэнэ, фольклору хомуйааччы, түмэт диэйэтэл. Саха литэрэтиирэтин төрүттээччилэриттэн биирдэстэрэ Ньукулай Неустроев бииргэ төрөөбүт балта.
- 1909 — Уустаах Избеков диэн ааттаммыт Иоаким Избеков Мөҥүрүөн нэһилиэгэр төрөөбүт — аатырбыт артыыс, драматург, хореограф, мас ууһа.
- 1925 — Гаврил Окороков, литэрэтиирэ кириитигэ, филология билимин хандьыдаата.
- 1943 — Үөһээ Бүлүү Дүллүкүтүгэр Саха аатырбыт ырыаһыта Анегина Ильина (меццо-сопрано), РСФСР норуодунай артыыһа.
- 1956 — Маргарита Борисова — тыйаатыр уонна киинэ артыыһа.
Өлбүттэр:
- 1840 — дьиҥ статскай советник, Сенат 3 департаменын 1 отделениетын обер-прокурора, французтары утары Аҕа дойду сэриитин дьоруойа, масон, декабристар бастаанньалырын бэлэмнэспит киһи Саха сиригэр көскө ыытыллыбыт Семён Краснокутскай. Битиимҥэ олорбута. Бырааттарын уонна балтын көрдөһүүтүнэн Тобольскайга көһөрүллүбүтэ (арамачыыстаан босхоҥ этэ).
- 1982 — Василий Павлов (19.04.1936 төр.) — философия билимин хандьыдаата. 1971 сыллаахха хотугу интэлигиэнсийэ үөскээһинигэр диссэртээссийэтин көмүскээбитэ. 1978 сыллаахха П. И. Докторов уонна П. Т. Тумусов кыттыгастаах «Үөһээ Бүлүү оройуонун сайдыытын былаанын» бэчээттэппитэ.
