1928 сыллаахха олунньуга Булуҥҥа радиотелефоннай станция үлэҕэ киирэн, куораты кытта сибээс олохтоммут.
1930 сыллаахха ССРС-ка киэҥ далааһыннаах коллективизация саҕаламмыт.
1942 сыллаахха АХШ бырабыыталыстыбатын официальнай тас дойдуларга иһитиннэрэр радио сулууспата «Америка куолаһа» үлэтин саҕалаабыт.
Арассыыйа бастакы бэрэсидьиэнэ Борис Ельцин, кинодокументалист, режиссер, Сунтаар улууһун Ытык олохтооҕо Николай Сантаев, «Күөх өрөспүүбүлүкэ» уопсастыбаннай тэрилтэ салайааччыта, хас да «Эксмо» кыһаҕа тахсыбыт кинигэлэрдээх суруйааччы Афанасий Егоров төрөөбүттэр.
Бэлиэ күннэр:
- ХНТ — Эгэлгэ итэҕэллээх дьон дьүөрэлэһиилэрин аан дойдутааҕы нэдиэлэтэ саҕаланар
- АХШ — дойдуга Көҥүл күнэ
- Арассыыйа — Лифт хаһаайыстыбатын үлэһитин күнэ
- АХШ — Десерт дойдулар ардыларынааҕы күнэ
Түбэлтэлэр:
- 1662 — Кытай пираата Чжэн Чэнгун Тайваҥҥа баар Нидерланды фортун Зеландияны тоҕус ыйдаах осада кэнниттэн ылбыт. Инньэ гынан кытайдар Тайваны бэйэлэригэр төннөрбүттэр.
- 1928 — Олунньуга Булуҥҥа радиотелефоннай станция үлэҕэ киирэн куораты кытта сибээс олохтоммут. Ол туһунан Булуҥ уокуругун исполкомун бэрэстээтэлэ Иван Торгенсен «Автономная Якутия» хаһыакка биллэрбит.
- 1930 — ССРС-ка киэҥ далааһыннаах коллективизация саҕаламмыт.
- 1935 — Истанбулга Айя-Софья собора түмэл буолан дьон-сэргэ көрүүтүгэр аһыллыбыт.
- 1942 — АХШ бырабыыталыстыбатын официальнай тас дойдуларга иһитиннэрэр радио сулууспата «Америка куолаһа» үлэтин саҕалаабыт. Тымныы сэрии кэмигэр нууччалыы уонна атын ССРС тылларынан саҥарар «Америка куолаһа», ону кытары «Көҥүл» араадьыйа, Сэбиэскэй Сойуус дьоно аан дойду сонуннарын истэллэригэр биир сүрүн источник буолбуттара.
- 1958 — Бастакы Америка аргыһа «Эксплорер-1» ситиһиилээхтик космоска таһаарыллыбыт.
Төрөөбүттэр:
- 1894 — Дьон Форд — АХШ киинэ режиссера. Вестерн киинэ жанрын биир уhулуччулаах ууhа. Бастыҥ режиссер иhин түөрт Оскар (1935, 1940, 1941, 1952) соҕотох кыайыылааҕа.
- 1931 — Борис Ельцин — Арассыыйа бастакы бэрэсидьиэнэ (1991—1999).
- 1937 — Зинаида Иванова-Унарова — СГУ профессора, Арассыыйа уонна СӨ искусствотын үтүөлээх диэйэтэлэ.
- 1939 — Николай Сантаев — кинодокументалист, режиссер, РСФСР култууратын үтүөлээх үлэһитэ (1989), Сунтаар улууһун Ытык олохтооҕо.
- 1958 — Геннадий Алексеев — 2003-2011 сылларга СӨ бырабыыталыстыбатын бэрэстээтэлин бастакы солбуйааччыта, Хотугу Сулус уордьан кавалера.
- 1960 — Афанасий Егоров — «Күөх өрөспүүбүлүкэ» уопсастыбаннай тэрилтэ салайааччыта, хас да «Эксмо» кыһаҕа тахсыбыт кинигэлэрдээх суруйааччы.
- 1973 — Анна Шишигина — Саха сирин XVIII үйэтинээҕи устуоруйатын чинчийэр учуонай, устуоруйа билимин хандьыдаата.
Өлбүттэр:
- 1989 — Валерий Чиряев (19.12.1911 төр.) — саха бэйиэтэ, тылбаасчыт, ССРС суруйааччыларын сойууһун чилиэнэ (1944).
