Хаҥалас улууһун Чапаево сэлиэнньэтигэр Космонавтика күнүгэр Саха сиринээҕи наука дьоҕус академиятын үөрэтэр-лабораторнай корпуһа үлэҕэ киирдэ. Бу Саха АССР 100 сылыгар анаммыт тутуулартан биирдэстэрэ, СИА-ҕа регион сүрүн пресс-сулууспата иһитиннэрдэ.
«Бу көннөрү үөрэтэр корпус эрэ буолбатах, ураты хайысхалаах үөрэтэр киин, манна талааннаах оҕолору кытта үлэ эмиэ барыаҕа. Өрөспүүбүлүкэбитигэр үөрэх эйгэтигэр сүрүн хайысхалартан биирдэстэрэ буолар. Академия выпускниктара ылар компетенциялара университет таһымнаах буолуоҕа. Кинилэр төрөөбүт өрөспүүбүлүкэлэрин куруук барҕарда туралларыгар эрэнэбин», – диэтэ Ил Дархан Айсен Николаев. Кини саҥа арыллыбыт үөрэх эбийиэгэр 100 экземпляр художественнай литература ылыныыга сертификат туттарда.
Үс этээстээх дьиэ уопсай иэнэ 7 тыһ кв.м, икки блоктаах – 150 миэстэлээх үөрэнэр уонна 100 миэстэлээх олорор сирдэрдээх.
Саҥа корпуска араас лаборатория баар: аэрокосмическай инженерия уонна сири дистанционнай зондирование, биотехнология, молекулярнай биология, геномнай чинчийии, палеонтология уонна археология, крио-ландшафтнай моделирование, ирбэт тоҥ физиката, Арктика матырыйааллара, робототехника, искусственнай интеллект уонна информационнай технология. Территорияҕа үөрэтэр полигоннар бааллар: альтернативнай энергетика, климатология уонна килиимэт уларыйыыта, марсианскай, Роснефть полигона.
Маны сэргэ сынньалаҥ, бириэмэни туһалаахтык атаарар, спорт, коммуникация уонна оскуола оҕолоро бииргэ үлэлиир сирдэрэ. IT-киин, ФабЛаб, коворкинг, актовай саала, ааҕар саалалаах бибилэтиэкэ, телестудия уонна муусука устуудьуйата, массаж кабинета, спортивнай уонна тренажернай саалалар.
Хаартыска: Андрей Сорокин, СИА
Хаартыскалары бу сигэнэн киирэн көрүҥ: https://ysia.ru/v-yakutii-otkryli-otvechayushhij-mirovym-standartam-uchebnyj-korpus-maloj-akademii-nauk/
