Национальнай бырайыактар иилэринэн Саха сиригэр спортивнай эбийиэктэр тутуллаллар, оскуолаларга спортинвентарь саҥардыллар, ГТО былаһааккаларыгар тэриллэр ылыллаллар. Ол туһунан спорт миниистирэ Леонид Спиридонов социальнай ситимнэргэ эттэ, суруйар СИА.
«2019 сылтан спорт эйгэтигэр бэһис эбийиэк үлэҕэ киирэр. Жатайга «Олимп» бассейн, Ньурба Антоновкатыгар спортивнай комплекс, Аллараа Бэстээххэ бассейннаах комплекс, Горнай Бэрдьигэстээҕэр элбэх хайысхалаах спортивнай комплекс уонна аһаҕас тииптээх комплекс», — диэтэ Леонид Спиридонов.
Миниистир эппитинэн, билигин Уус Алдаҥҥа икки эбийиэк тутуллар, манна быйыл бөдөҥ спортивнай Оонньуу буолар.
