Муус устар 19 күнэ, Бикипиэдьийэҕэ сурулларынан, Исландияҕа сайын бастакы күнэ (Сумарсдаг эбэтэр Сиггблот). Бу күн былыр Один таҥараҕа сиэртибэ оҥороллор эбит, диэн суруйар Бикипиэдьийэ дьаһабыла Халан. Онтон 1852 сыллаахха бу күн Саха уобалаһын бастакы күбүрүнээтэрэ Константин Григорьев Константин Дьокуускайга кэлбит, салайыытын саҕалаабыт.
🔹1563 сыллаахха Москубаҕа Иван Федоров уонна Петр Мстиславец типографиялара үлэтин саҕалаабыт.
🔹1780 — Екатерина II полиция реформатын саҕалаан, Управа благочиния диэн тэрилтэни олохтообут. Быраабалар Арассыыйаҕа сүүсчэ сыл үлэлээбиттэрэ.
🔹1852 сыл тохсунньу 1 күнүгэр (саҥа истиилинэн тохсунньу 13 күнэ) Саха уобалаһа Иркутскай күбүөрүнэттэн араарыллан күбүөрүнэ бырааптаах туспа уобалас буоларыгар дуоһунаска киирбит Саха уобалаһын бастакы күбүрүнээтэрэ Григорьев Константин Никифорович муус устар 19 күнүгэр Дьокуускайга кэлбит.
🔹1925 — «Пионерская зорька» диэн оҕолорго аналлаах араадьыйа биэриитэ аан бастаан тахсыбыт.
🔹1928 — Ааҥыл тылын Оксфордааҕы тылдьытын бастакы таһаарыыта түмүктэммит.
🔹1972 — Ойуунускай аатынан Судаарыстыбаннай бириэмийэ лауреаттарынан ырыаһыт Ильина Анегина Егоровна уонна үҥкүүһүт Баишев Геннадий Семенович буолбуттар.
🔹1987 — «Симпсоннар» (The Simpsons) ойуулук-сэрийээл бастакы сиэрийэтэ тахсыбыт.
Төрөөбүттэр:
🔸1772 — Давид Рикардо, Британия экэнэмииһэ.
🔸1922 — Арҕаа Хаҥалас улууһугар Мытаах нэһилиэгэр Саха норуодунай суруйааччыта Софрон Данилов төрөөбүт.
🔸1935 — Лебедева Жанна Карувна (19.04.1935—04.07.2002) — эбээн уос номоҕун чинчийбит учуонай, устуоруйа билимин хандьыдаата, Арассыыйа билимин Академиятын Сибиирдээҕи салаатын үтүөлээх бэтэрээнэ.
🔸1935 — Сунтаар оройуонун Тойбохой нэһилиэгэр «Сахателеком» генеральнай дириэктэрэ Николаев Николай Васильевич төрөөбүт.
🔸1936 — Горнай улууһун Маҥаны нэһилиэгэр Павлов Василий Семенович (19.04.1936—03.02.1982) — социолог-бөлүһүөк, бөлүһүөпүйэ билимин хандьыдаата.
🔸1946 — Дуйгу Асена (туур. Duygu Asena, 1946 сыл, муус устар 19 күнэ, Стамбул — 2006 сыл от ыйын 30 күнэ, Стамбул) — турок суруналыыһа, суруйааччыта, дьахтар быраабын көмүскээччи общественнай диэйэтэл.
Өлбүттэр:
🔹1824 — Европа улуу бэйиэтэ Байрон.
🔹1922 — Хохочой тоһуурун тэрийбит бастаанньыстары сойуолаһыыга сэриилэһэ сылдьан Григорьев Дмитрий Михайлович (Мотуруос) өлбүт, Үөһээ Бүлүүттэн төрүттээх кыһыл байыас.
https://sah.wikipedia.org/wiki/Данилов_Софрон_Петрович
https://sah.wikipedia.org/wiki/Ильина_Анегина_Егоровна
https://sah.wikipedia.org/wiki/Григорьев_Дмитрий_Михайлович_(Мотуруос)
https://sah.wikipedia.org/wiki/Павлов_Василий_Семенович
https://sah.wikipedia.org/wiki/Лебедева_Жанна_Карувна
https://sah.wikipedia.org/wiki/Баишев_Геннадий_Семенович
https://sah.wikipedia.org/wiki/Николаев_Николай_Васильевич
https://sah.wikipedia.org/wiki/Дуйгу_Асена
https://sah.wikipedia.org/wiki/Дьордь_Гордон_Байрон
https://sah.wikipedia.org/wiki/Саха_уобалаһа
