Россияҕа хас биирдии суоппарга ОСАГО полиһын сыанатыгар быһаччы дьайар бонус-малус коэффициена муус устар 1 күнүгэр хос ааҕыллыаҕа, диэн кэпсээтэ Россия автостраховщиктарын союһун президенэ Евгений Уфимцев РИА Новости-га.
“Коэффициент үрдүөҕэ, ааспыт кэм устата, ол эбэтэр муус устар 1 күнүгэр саҕаланан, үүнэр сыл кулун тутар 31 күнүгэр диэри салҕаммыт кэм устата, страховой төлөбүр баарын туһунан информация автоматизированнай систиэмэҕэ киирдэҕинэ: страховой төлөбүр төһөнөн элбэх да, соччонон бу коэффициент үрдүүр», — диэтэ Уфимцев. Коэффициент быһа ааҕыллар.
Онуоха бэрээдэктээх суоппардарга ОСАГО сыаната намтыаҕа, диэн РСА баһылыга быһаарда. Бонус-малус коэффициенын алын кээмэйин суолтата 0,46 – кини буруйунан өр кэмҥэ саахалы таһаарбатах суоппардарга иҥэриллэр.
Саахалы таһаарар суоппардарга муҥутуур коэффициент 3,92 тиийиэн сөп. Саҥа айанныыр суоппардарга ОСАГО дуогабарын бастакы түһэрсиигэ 1,17 коэффициент бэриллэр, оттон дуогабарга хас да суоппары ыйыыга полиска суруллубут дьонтон саамай үрдүк коэффициент бэриллэр.
