Кулун тутар ыйтан бары суоппардарга ОСАГО дуогабарын түһэрсиигэ чэпчэтиилэр олоххо киирдилэр, суруйар Саха сирэ саайт.
Ол курдук, ОСАГО туһунан сокуоҥҥа саҥа уларытыылар үлэлээтилэр. Тиэхиньикэни бас билээччи урукку курдук ОСАГО дуогабарын аҥардас сылга эбэтэр сыл аҥаарыгар эрэ буолбакка, саҥа быраабыла быһыытынан дуогабар болдьоҕун биир хонуктан үс ыйга диэри түһэрсэр бырааптаах. Итинник кылгас болдьохтоох дуогабар илии баттамытын кэннэ, үс хонугунан күүһүгэр кииириэҕэ, өскөтүн дуогабарга атын больдох ыйыллыбатах буоллаҕына.
Оттон страховой тарыып коэффициеннарын намтатыытын, дуогабар түһэрсэр болдьоҕуттан учуоттаан, страховщиктар бэйэлэрэ көрөн быһаарыахтара. Маннык коэффициеннар кээмэйдэрин туһунан иһитиннэриилэри кинилэр хампаанньалар саайтарыгар таһаарар буолуохтара.
Маны таһынан, дойду баана сылга биирдэ эмэ страховой тарыыптары улаатыннарар эбэтэр уларытар кыахтанара көрүллэр.
