Балаҕан ыйын 22 күнүгэр Миирнэй оройуонун Айхал бөһүөлэгэр 5 этээстээх элбэх кыбартыыралаах олорор дьиэҕэ баһаар таҕыста. Умайбыт дьиэттэн биэс киһини эвакуациялаатылар, эр киһи эчэйбит, диэн СИА-ҕа Саха сиринээҕи ЫБМ пресс-сулууспата кэпсиир.
Баһаарынайдар кэлэллэригэр биир хос аһаҕас уотунан умайа турбут. Ол түмүгэр 1985 с. т. эр киһи эмсэҕэлээбит, 12 кв. м иэннээх хос уокка былдьаммыт, олорор дьиэни быыһаабыттар.
Буруйдааҕы уонна хоромньуну быһаара сылдьаллар. Баһаары умулларыыга барыта тоҕус киһи уонна икки СӨ ГПС баһаарынай тиэхиникэтэ үлэлээтэ.
