Бу күннэргэ Уфа куоракка Бойобуой ускуустуба норуоттар икки ардыларынааҕы ыспартакыйаадатын чэрчитинэн мас тардыһыытыгар оҕолорго уонна улахан дьоҥҥо Бүтүн Арассыыйатааҕы күрэхтэһии буола турар.
Күрэхтэһиигэ Мэлдьэхси оскуолатын үөрэнээччилэрэ ситиһиилээхтик кытыннылар: 50 киилэҕэ Айсен Карамзин чөмпүйүөннээтэ, 70 киилэҕэ Максим Ачикасов, 80 киилэҕэ Данил Баишев 3-с миэстэ буоллулар, 80 киилэттэн үөһэ Павел Избеков 2-с миэстэни ылла.
Оҕолор оскуола интэринээтигэр олорон төрүт успуорт көрүҥүнэн утумнаахтык дьарыктаналлар.
Улуустарын, өрөспүүбүлүкэлэрин аатын ааттатар уолаттарбытын, кинилэр тириэньэрдэрин Лия Плотникованы дойду таһымнаах түһүлгэҕэ дьоһун ситиһиилэринэн эҕэрдэлиибит, өссө үрдүк чыпчаалларга дабайалларыгар баҕарабыт, суруйда @gazetaerkeii