Сэтинньи ыйга культура атастаһыытын чэрчитинэн Луганскай Народнай Өрөспүүбүлүкэ куораттарыгар саха киинэтин бэлиэ хартыыналарын сабыылаах көрдөрүүлэрэ буолла. Киинэлэри «Сахафильм» хампаанньа салайааччыта Алексей Егоров билиһиннэрдэ.
Тэрээһин ыалдьыттарынан толоруулаах былаас органнарын бэрэстэбиитэллэрэ, оскуола оҕолоро, устудьуоннар, юнармеецтар, ЛНР култуура министиэристибэтин иһинэн үлэлиир ыччат сэбиэтэ буоллулар.
«Бүгүн биһиги Луганскай Народнай Өрөспүүбүлүкэ уонна Саха Өрөспүүбүлүкэтин культуратын холбуур муостаны тэрийэбит. Маннык муосталар биһиги дойдубут бары субъектарын кытары баар буолалларыгар диэн итэҕэйэбит. Элбэх омуктаах культураны холбуур сибээстэри бөҕөргөтүү үтүө үгэскэ кубулуйуоҕа», — диэтэ ЛНР культураҕа миниистирин солбуйааччы Яна Мирошниченко.
Кини Саха сирин национальнай кинематографиятын кытта билсэр кыах бэриллибитигэр махталын биллэрдэ уонна инникитин да интэриэһинэй холбоһуктаах бырайыактар баар буолалларын биллэрдэ.
Луганскайга «Русь» киинэ тыйаатырыгар режиссер Сандал Баишев саҥа киинэтин, “Диодорова. Сүүрээни утары” биографическай драманы көрдүлэр.
«Бу киинэ таптал биһиги дьулуурбутун сүрүн хамсаатааччыта уонна ыра санаа суолугар саамай күүстээх көҕүлээһин диэн туһунан. Биһиги өрөспүүбүлүкэбит сорҕотун манна аҕаллыбыт. Киинэлэр нөҥүө духуобунай-сиэрдээх сыаннастарбытын, тирэхпитин, эйгэбит көрдөрөбүт. Бу олус сыаналаах», — диэн Алексей Егоров бэлиэтээтэ.
Алчевскайга режиссер Любовь Борисова « Надо мною солнце не садится » киинэни көрдөрүү ыытылынна. Суходольскайга Михаил Лукачевскай «Өрөгөйүн» көрдүлэр.
