Дьокуускай олохтоохторо элбэх оҕолоох Светлана уонна Анатолий Ивановтары Саҥа үүнэн эрэр сылынан үлэ миниистирэ Елена Волкова эҕэрдэлээтэ.
Ивановтар уон оҕолоохтор, улаханнарыгар — 22, кыралара — икки саастаах. Ыал оҕолорун кыра саастарыттан үлэҕэ уонна спортка уһуйаллар.
Ыал икки этээстээх чааһынай дьиэҕэ олорор, 2021 сыллаахха бырабыыталыстыба элбэх оҕолоох ыаллары өйүүр бырагырааматынан үбүлэнэн атыыласпыттара.
Светлана Николаевнаҕа быйыл «Герой ийэ» бэлиэ туттарылынна.
